Хүүхэд 2 наснаас эхлэн шүлэг цээжилж эхлэх ба 3-4 настай хүүхэд 100-200 хүртэл шүлэг цээжилж чадна гэж судлаачид үздэг. Харин "Миний шүлгийн ном" нь дөрвөн улирал, цагаан сар болон хүүхдийн өдөр тутмын амьдралын талаар энгийн шүлэг агуулсан, бага насны хүүхдийн сонирхлыг татахуйц зурган дүрслэл бүхий бүтээл юм. Энэ номтой нөхөрлөхийн давуу тал нь хүүхэд шүлэг сонирхож эхлэх үндсийг тавьдгаараа онцлогтой. 

Хүүхдүүд ихэвчлэн 10-12 сартай ярьж эхлэх бөгөөд энэ хооронд үлгэр доиог сонсохоосоо илүү зурагт номыг сонирхон үзэж, номын хэсгүүдийг гараараа мэдрэхийг хүсдэг. Энэ үед Орос улсад хэвлэгдэн гарсан зурагт номууд тэдний сонирхлыг ихэд татах нь элбэг. Тухайлбал дараах цуврал номын зөөлөвч бүхий хуудсыг эргүүлэхэд амар, мөн агуулга зураг нь үнэхээр хүүхдэд ихээхэн таашаагддаг тоглоомыг орлох чадвартай нь харагдлаа...

Хөдөлгөөнт тоглоомууд

Голдуу тээврийн хэрэгслийг үзүүлэн таниулах зорилготой энэ ном нь бага зэрэг хийсвэр шинжтэй.Машинд дуртай хүүхэд их сонирхон үздэг.

Амьтад

"Хүрч мэдэрдэг" ном серийн "Амьтад" ном нь муур, нохой болон бусад зэрлэг амьтдын үр төлийг харуулсан өхөөрдөм ном юм. Хүүхэд тодорхой насанд хүрээд бүх амьтдын өөрийн танил нохой, үхэр эсвэл муураар төлөөлүүлэн ярьж, дууддаг. Харин хүрч мэдэрдэг ном ялгааг нь таниулах ба 6 сартай хүүхдэд үзүүлж эхлэх, 10 сартайгаас ярьж өгөх тохиромжтой.



"Зэрлэг амьтад" ном жаахан хүүхдэд танихад хэцүү халуун орны зэрлэг амьтдыг тусгаснаараа 1 наснаас доош настай хүүхдэд ахадсан гэмээр. Гэсэн ч хүүхэд сонирхож, эргүүлж үзэх дуртай.

Анхны үгс

Хүрч мэдэрдэг энэхүү ном нь хүүхдийг хэлд орох үед буюу 8 сартайгаас эхлэн үзэхэд тохиромжтой. Гэхдээ анхандаа хүүхэд энэ номыг төдийлөн ойшоодоггүй. Харин 10-12 сартайдаа агуулгыг нь таниж, зарим үгсийг дагаж хэлнэ. Гэсэн ч хэлд орохоос 2-3 сарын өмнөөс үзүүлж, харилцан ярих нь тохиромжтой гэж үзэж байна.

Нугас ба түүний найзууд

Нугас ба түүний найзууд нэртэй энэ номыг бусад сайтад 1-3 насны хүүхдэд тохиромжтой гэсэн байх авч би хувьдаа 6 сартайгаас эхлэн уншиж өгөх номд оруулмаар байна. Энэ номын өнгө, зураг 6-12 сартай хүүхдэд орчинтойгоо танилцахад тустай.

12 жилийн дуутай ном

2013 онд Интэрном худалдааны төвийн сэтгүүлд бэстселлэр болсон тухай гарсан. 6 сартайгаас эхлэн хүүхдэд сонсгоход их тохиромжтой.